वेळेचे नियोजन कशा पद्धतीने करावे?

आयुष्यात जास्तीत जास्त कार्यक्षम बनण्यासाठी नेमके काय करावे?

जाणून घ्या आपल्याकडे उपलब्ध असणाऱ्या वेळाचे सुयोग्य नियोजन कसे करावे.

आपल्या हाताशी असणाऱ्या वेळाचा जास्तीत जास्त उपयोग कसा करून घेता येईल, ते जाणून घेण्यासाठी हा लेख शेवटपर्यंत वाचा.

आजकालच्या धावपळीच्या रुटीनमध्ये बहुतेक सर्वांचीच अशी तक्रार असते की, आम्हाला कोणत्याही कामासाठी वेळ मिळत नाही. आहे तो वेळ पुरत नाही.

स्त्रिया असोत किंवा पुरुष, नोकरदार असोत की व्यावसायिक सर्वांची हीच तक्रार असते की आम्हाला वेळ पुरत नाही. कोणतेही चांगले, प्रॉडक्टीव काम करण्यासाठी आमच्याकडे वेळच नसतो.

परंतु खरेच असे आहे का?

खरेतर आपल्याकडे भरपूर वेळ असतो परंतु आपण आपल्या हाताशी असणारा वेळ योग्य प्रकारे वापरत नाही, आपल्याजवळ असणारा वेळ चांगल्या, प्रॉडक्टीव गोष्टी करण्यासाठी न वापरता वाया घालवतो.

त्यामुळे आपल्याला सतत आपल्याकडे वेळ नाही अशी तक्रार करावीशी वाटते.

म्हणूनच आज आपण आपल्या हाताशी असणाऱ्या वेळेचे योग्य नियोजन कसे करावे आणि नेमकी कोणत्या वेळी कोणती कामे करावी हे पाहणार आहोत.

वेळाचे नियोजन करण्यासाठी कामाचे वर्गीकरण करा.

आपल्या जवळ असणारा वेळ आणि आपल्याला करायची असणारी कामे यांची योग्य प्रकारे सांगड घालण्यासाठी आपल्याला आपला वेळ आणि कामे यांचे वर्गीकरण करावे लागेल.

असे वर्गीकरण करण्यासाठी सर्वात आधी आपल्याकडे उपलब्ध असणाऱ्या वेळेचे चार भाग करा.

आता आपल्याला करायची कामे आपण या चारही भागांमध्ये बसवणार आहोत. त्यासाठी त्या चार भागांना नावे देऊयात.

१. आवश्यक आणि तातडीने करावयाचे काम

आपली काही कामे अशी असतात की जी करणे अतिशय आवश्यक तर असतेच आणि त्याचबरोबर ते काम तातडीने सुद्धा करावे लागते.

असे काम करण्यासाठी वेळ वाया घालवून उपयोग नसतो. अशी सर्व कामे आपल्या वेळेच्या चार भागांपैकी पहिल्या भागात येतील.

उदाहरणार्थ, कुटुंबातील एखाद्या व्यक्तीची तब्येत बरी नाही आणि त्या व्यक्तीला दवाखान्यात घेऊन जायचे आहे, आपली गाडी अचानक बंद पडली आहे आणि तिची दुरुस्ती करून घेणे आवश्यक आहे, इत्यादी.

याचाच अर्थ एखादी इमर्जन्सी सिच्युएशन आल्यामुळे तातडीने करावे लागणारे आवश्यक काम हे या पहिल्या भागात येईल.

२. आवश्यक परंतु तातडीने करावयाची आवश्यकता नसलेले काम

आपली काही कामे अशी असतात की जी करणे अतिशय आवश्यक असते परंतु त्यासाठी एखादी ठराविक वेळ असणे गरजेचे नसते.

आपल्याला जसा वेळ उपलब्ध असेल त्यानुसार आपण ती कामे करू शकतो. परंतु ती कामे आवश्यक मात्र निश्चितपणे असतात.

अशी सर्व कामे आपण आपल्या वेळेच्या दुसऱ्या भागात समाविष्ट करणार आहोत.

उदाहरणार्थ नियमित व्यायाम, एखादा छंद जोपासणे, सुयोग्य आहार घेणे इत्यादी.

आपल्या शारीरिक आणि मानसिक आरोग्याच्या दृष्टीने अशी कामे अतिशय आवश्यक असतात परंतु अर्थातच ही कामे अमुकच वेळेत झाली पाहिजे असे नसून आपण आपल्या हाताशी असणाऱ्या वेळेनुसार ती करू शकतो.

आपण करायच्या कामांपैकी सर्वात महत्त्वाची ही दुसऱ्या भागातील कामे असतात कारण अशा कामांमुळे आपले आयुष्य सुधारते.

३. तातडीने करावी लागणारी परंतु अनावश्यक कामे

काही वेळा आपल्याला अशी कामे करावी लागतात जी खरे तर आवश्यक नसतात, परंतु त्या त्यावेळी ती कामे तातडीने आपल्याला पार पाडावी लागतात.

उदाहरण घ्यायचे झाले तर काही अनावश्यक फोन कॉल, काही मीटिंग, कुणाला भेटणे किंवा एखादा सार्वजनिक समारंभ.

ही कामे आपल्याला करावी तर लागतातच, परंतु बहुतांश वेळा ती अनावश्यक असू शकतात.

अशा कामांमध्ये आपला वेळ कमीत कमी वाया जाईल याकडे लक्ष देणे आवश्यक आहे.

४. अनावश्यक आणि अजिबात महत्त्व नसणारी कामे

आपली काही कामे अशी असतात ज्यांची काहीच गरज नसते, अशा कामांना फारसे काही महत्व नसते परंतु त्यामध्ये आपण आपला बराचसा वेळ वाया घालवतो.

याचे मोठे उदाहरण म्हणजे सोशल मीडियावर वाया जाणारा वेळ.

वेगवेगळी सोशल मीडिया निरर्थक ॲप्स किंवा टीव्ही कारण नसताना याचा वापर करून वाया जाणारा वेळ हे याचे सर्वात मोठे उदाहरण आहे.

अशा पद्धतीने वाया जाणारा वेळ जर आपण वाचवला आणि तो चांगल्या प्रॉडक्टिव्ह कामांसाठी वापरला तर आपण निश्चितपणे वेळेची बचत करून चांगले सुधारित आयुष्य जगू शकतो.

तर अशाप्रकारे आपल्याकडे उपलब्ध असणाऱ्या वेळाचे चार भाग करून आपल्या कामांची वर्गवारी करून त्याप्रमाणे कामे पार पाडावीत म्हणजे निश्चितपणे आपण आपली सर्व कामे वेळेवर पूर्ण करू शकू.

चारही भागांपैकी सर्वात महत्त्वाचा भाग आहे तो दुसरा. या भागात आवश्यक असणारी आणि कायमस्वरूपी करावयाची कामे समाविष्ट होतात. याच कामांमुळे आपले शारीरिक आणि मानसिक आरोग्य सांभाळले जाते त्यामुळे नेहमीच ही कामे करण्यावर आपला भर असला पाहिजे.

तर मित्र-मैत्रिणींनो, या लेखात दिलेली माहिती तुम्हाला कशी वाटली हे आम्हाला नक्की सांगा. तसेच तुमच्या वेळेचे नियोजन करण्यासाठी तुम्ही काय करता हे देखील आम्हाला कॉमेंट करून नक्की सांगा.

ही माहिती जास्तीत जास्त लोकांपर्यंत पोहोचावी यासाठी हा लेख शेअर करायला विसरू नका.

स्वस्थ रहा आनंदी रहा.

Manachetalks

सदर लेख अथवा लेखातील कुठल्याही भागाचे छापील, इलेक्ट्रॉनिक माध्यमात परवानगीशिवाय पुनर्मुद्रण किंवा कुठल्याही सोशल मीडियात कॉपी-पेस्ट करून पुनर्लेखन करण्यास सक्त मनाई आहे. याचे उल्लंघन केल्याचे आढळल्यास कायदेशीर कारवाई करण्यात येईल.

या आणि अशा वैविध्यपूर्ण लेखांचे अपडेट्स मिळविण्यासाठी आमचे फेसबुक पेजमनाचेTalksला नक्की लाईक करा. आणि लेखांचे अपडेट्स व्हाट्स ऍप वर मिळवण्यासाठीयेथे क्लिक करा/ Instagram वर मनाचेTalks ला फॉलो करण्यासाठी येथे क्लिक करा / टेलिग्रामवर संवाद साधण्यासाठी येथे क्लिक करा

माहिती उपयुक्त वाटल्यास वरती उजव्या कोपऱ्यात दिलेले बटन दाबून हा लेख व्हॉट्सऍप वर आपल्या मित्र मैत्रीणींना पाठवा.

Leave a Comment

This site uses Akismet to reduce spam. Learn how your comment data is processed.

error: © Copyrights 2023. All rights reserved!
मलेशियाची राजधानी क्वाला लंपूर ची सफर!शरीरावरील अनावश्यक चरबी कमी करण्यासाठी ५ योगासनेस्वतःला हे ५ प्रश्न विचारा आणि प्रगतीचे मार्ग खुले करा?नियमितपणे हि २ आसने केली तर किडनीचे विकार जडणार नाहीत।व्हिटॅमिन बी १२ च्या कमतरतेची कारणे, लक्षणे व उपाय
मलेशियाची राजधानी क्वाला लंपूर ची सफर!शरीरावरील अनावश्यक चरबी कमी करण्यासाठी ५ योगासनेस्वतःला हे ५ प्रश्न विचारा आणि प्रगतीचे मार्ग खुले करा?नियमितपणे हि २ आसने केली तर किडनीचे विकार जडणार नाहीत।व्हिटॅमिन बी १२ च्या कमतरतेची कारणे, लक्षणे व उपाय
मलेशियाची राजधानी क्वाला लंपूर ची सफर!शरीरावरील अनावश्यक चरबी कमी करण्यासाठी ५ योगासनेस्वतःला हे ५ प्रश्न विचारा आणि प्रगतीचे मार्ग खुले करा?नियमितपणे हि २ आसने केली तर किडनीचे विकार जडणार नाहीत।व्हिटॅमिन बी १२ च्या कमतरतेची कारणे, लक्षणे व उपाय
मलेशियाची राजधानी क्वाला लंपूर ची सफर!शरीरावरील अनावश्यक चरबी कमी करण्यासाठी ५ योगासनेस्वतःला हे ५ प्रश्न विचारा आणि प्रगतीचे मार्ग खुले करा?नियमितपणे हि २ आसने केली तर किडनीचे विकार जडणार नाहीत।व्हिटॅमिन बी १२ च्या कमतरतेची कारणे, लक्षणे व उपाय