स्त्री आहे ती, माणूस आहे ती…..

भोग भोग भोगायची वस्तू नाहीरे ती
जरा डोकावून बघ तिच्या आत||
भावनांचा कल्लोळ माजलाय 
तिच्या चेहऱ्यावर नसलेला…..

चढ चढ चढतोय नुसता
कधी तरी उतरून बघ||
आतमध्ये एकदा,
आणि बघ दिसतोय का
वेदनांचा पसारा……..

तुट तुट तुटतेय रे ती
शरिर नको बघू नुसतं तिचं||
मनाला पडतात तिच्या
तुझ्या नखांचे ओरखडे,
ओरबाडून घेताना तू शरिर तिचं…..

मर मर मरतेय रे ती
मादी म्हणूनच नको बघूस||
स्त्री आहे ती माणूस आहे ती
तू ही पुन्हा बन माणूस……

वाचण्यासारखे आणखी काही…..

पंकज कोटलवार यांचा ब्लॉग
संगीत शेंबेकर यांचा ब्लॉग
शब्द तुझे नि माझे ब्लॉग

---

या आणि अशा वैविध्यपूर्ण लेखांचे अपडेट्स मिळविण्यासाठी आमचे फेसबुक पेज मनाचेTalks ला नक्की लाईक करा.