प्रतिसाद- एक प्रेरणादायी कथा (Motivational Story- Marathi)

Prernadayi Katha

खुप खुप वर्षांपुर्वीची खरी घटना आहे.

हॅरी नावाचा एक खुप प्रसिद्ध आणि यशस्वी गोल्फ प्लेअर होता. त्याने एक चॅम्पिअनशिप जिंकली, त्यात त्याला एक हजार डॉलर्सचे बक्षीस मिळाले.

आज विजेता झाल्यामुळे हॅरी खुशीत होता, गुणगुणत तो स्टेडिअममधुन बाहेर पडला आणि आपल्या कारच्या दिशेने चालत असताना एक महीला आपल्या चिमुकल्या बाळाला कडेवर घेऊन त्याच्या समोर येते.

तिच्या चेहर्‍यावर प्रचंड आगतिकतेचे भाव असतात, ती गरीब दिसणारी स्त्री, दिनवाणे, केविलवाणे भाव आणुन त्याला विणवते की ह्या मुलाला एक दुर्धर रोग आहे, आणि जर त्याचे उपचार झाले नाहीत, तर तो जास्त दिवस जगणार नाही, त्या मुलाच्या उपचारासाठी एक हजार डॉलर्सची आवश्यकता आहे.

हॅरीला त्या मुलाकडे पाहुन दया येते, आणि कर्तव्यभावनेने तो तिला एक हजार डॉलर्सच्या रकमेचा चेक देतो. बघता बघता ही गोष्ट सगळ्या शहरात पसरते.

हॅरीची एक महत्वाची मॅच असते आणि त्याच्या ओळखीचे लोक त्याला शुभेच्छा देण्यासाठी येतात. त्यातली त्याची एक ओळखीची व्यक्ती हॅरीला सांगते.

“हॅरी, तुला फसवलं गेलयं, मागच्या आठवड्यात, तु एका महिलेला एक हजार डॉलर्स देऊन फसला आहेस, तुला माहीतीये, मागच्या आठवड्यात शहरात कोणीही बाळ दगावलं नाही.”

हॅरीचा हसरा चेहरा अजुनच आनंदी झाला, “थेंक्स गॉड, मागच्या आठवड्यात शहरात कोणीही बाळ दगावलं नाही.” आणि हसत हसत हॅरी त्याच्या पुढच्या गोल्फ मॅचसाठी मैदानाकडे गेला.

गोष्ट संपली…….. 

मित्रांनो, तुम्ही आम्ही जर हॅरीच्या जागेवर असलो असतो तर आम्ही कसा प्रतिसाद दिला असता? मला फसवलं गेलं, ही भावना आपल्याला किती त्रास देऊन गेली असती? मला मुर्ख बनवुन, खोटं सांगुन, एक हजार डॉलर्स लुबाडले, म्हणुन आपण किती चिडलो असतो?

हॅरीने दिलेला प्रतिसाद किती वेगळा होता. “धन्यवाद देवा, मागच्या आठवड्यात, शहरात कोणतंही बाळ दगावलं नाही.”

हॅरीसारखं हसत हसत, पुढची मॅच खेळायला आपल्याला जमलं असतं का?

इथे मला असं अजिबात म्हणायचं नाही की आपण आपल्याला फसवणार्‍यांकडे दुर्लक्ष करावे, पण अचानक उद्भवलेल्या परिस्थीतीला आपण हसत हसत सामोरे जाऊ शकतो.

आयुष्यात रोज काहीनाकाही चांगल्या घटना घडत असतात, आणि वाईट ही घटना घडत असतात. आपण फोकस कशावर करतो, त्यावर आपल्या वाट्याला आनंद आणि दुःख येतं.

एक हजार डॉलर्सचा फटका बसल्याचं दुःख व्यक्त करायचं की मागच्या आठवड्यात शहरात एकही बाळ दगावलं नाही, म्हणुन आनंद व्यक्त करायचा, हे आपणचं ठरवायचं.

मनःपुर्वक आभार!

वाचण्यासारखे आणखी काही…..

आकर्षणाचा नियम काम करावा यासाठी जगण्याचं सुत्र!

या आणि अशा वैविध्यपूर्ण लेखांचे अपडेट्स मिळविण्यासाठी आमचे फेसबुक पेज मनाचेTalks ला नक्की लाईक करा. आणि लेखांचे अपडेट्स व्हाट्स ऍप वर मिळवण्यासाठी ८३०८२४७४८० या नम्बरवर ‘अपडेट्स’ असा व्हाट्स ऍप मेसेज करा.

6 thoughts on “प्रतिसाद- एक प्रेरणादायी कथा (Motivational Story- Marathi)”

  1. Story khup chhan ahe. Pn ekhadya vyakatine aplyala fasaval tr apan ignore karaych ani changla part fkt pahayacha, he thik ahe. Parantu to vyakti aplya sarkhe ankhi dusrya vyakti na fasavu naye ya sati aplyala prayatnya kele pahijet n?

  2. Khoop chan padhatine mandali ahe hi katha. Positive thinking kiti garajeche ahe he lakshat ale pahijet.

Leave a Reply

Your email address will not be published. Required fields are marked *

This site uses Akismet to reduce spam. Learn how your comment data is processed.