विपरीत “नियतीला झुंजावणीऱ्या” परिस्थितीत तटस्थपणे उभी कीर्तिताई – प्रेरणादायी

प्रेरणादायी

रात्री साडेसातची वेळ. चिपळूण रत्नागिरी हायवे. विशीतली दोघं भावंडं गावाकडं, घराकडं निघालीयत.

एका भरधाव एस.टी. बसनं दोघांनाही उडवलं आणि ती बेदरकारपणे निघून गेली. बहीण थोड्या वेळानं शुद्धीवर आली.

भाऊ रक्तानं माखलेला होता. ती हायवेवरून जाणार्‍या येणार्‍या गाड्यांना मदतीसाठी विनंती करीत होती. जिवाच्या आकांतानं ती मदतीसाठी रडत-ओरडत होती. तासाभरात किमान पन्नास गाड्या तिथून आल्या – गेल्या. पण कोणीही थांबलं नाही. तासाभरानं भावानं प्राण सोडला.

त्यानंतर एकानं गाडी थांबवली. त्या दोघा बहीणभावंडांना आरवलीत आणून सोडलं. एकुलता एक मुलगा गेल्याचं बघून आई वडीलांनी, आजी आजोबांनी हंबरडा फोडला. आजोबांचा नातवावर फार जीव होता. आजोबा हाय खाऊन आजारी पडले आणि त्यातच ते गेले.

वडील हायवेवर चहाची एक टपरी चालवत होते. रस्ता चौपदरी होणार होता. शेजारच्या दोघा टपरीधारकांनी आपल्या टपर्‍यांचं मुल्यांकन करून घेतलं. प्रत्येकाला सतरा लाख रुपये भरपाई मिळाली. वडीलांना निरक्षरतेमुळं यातलं काहीच माहित नव्हतं. जेव्हा कळलं तोवर उशीर झालाय असं अधिकारी म्हणाले.

गेली १८ वर्षे त्यांची चहाची टपरी आहे. ग्रामपंचायतीच्या तश्या नोंदीही आहेत. पण शून्य रुपये शून्य पैसे भरपाई मिळणार असं सांगितलं गेलं. हाताशी आलेला मुलगा नुकताच अपघातात गेलेला.

घरात आई,पत्नी आणि मुलीसह खाणारी चार माणसं. त्यांनी धसका घेतला. ते हार्टॲटॅक येऊन गेले. निरक्षर कुणब्यांची परवड काही थांबत नाही.

दरम्यान कीर्तीला मावशी आणि काकाही वारल्याचं कळलं.

मायलेकी तशाही आघातांमध्ये पाय रोऊन उभ्या होत्या. झुंजत होत्या. पण आई गेलेल्यांसाठी झुरतही होती. वर्षभरात तीही गेली.

किर्तीनं एका वर्षात जवळचे, मायेचे, आतड्याचे एकुण सातजण गमावलेले होते. नियती इतकी क्रूर कशी काय असते?

प्रेरणादायी

किर्ती सध्या चिपळूणला एम.ए.च्या प्रथम वर्षात शिकतेय.

चहाची टपरी चालवतेय. पोरगी खरंच जिगरबाज आहे.

सलाम तुझ्या कर्तृत्वाला… अभिमान आहे तुझ्या सारख्या… रणरागिनी चा.

तिचा हसरा चेहेरा तिची जिद्द दाखवतोय… खूपच धाडसी व कौतुकास्पद…

घरच्यांना गमावल्यानंतर मानसिक आघात सहन करून धडपडीने शिकणारी, येणाऱ्या दिवसाकडे आशावादाने बघणारी हि पोरगी खरंच जिगरबाज आहे….. सलाम कीर्ती ताईला.

शब्दच नाहीत बोलायला. नियती इतकी क्रूर आहे. पण कीर्तीचा आत्मविश्वास आणि जिद्द मात्र अवर्णनीय आहे. सलाम बेटा. भविष्यात खूप पुढे जाशील आणि खूप नाव कमवशील.

खूप खूप आशीर्वाद आहेत तुझ्या पाठीशी आम्हा सर्वांचे. तरीही हीची झुंज गरीबीशी आहे. खूपच धाडसी व कौतुकास्पद, घरच्यांना गमावल्यानंतर मानसिक आघात सहन करून व विपरीत परिस्थितीत तटस्थपणे उभी राहिली.

सलाम कीर्ती ताईला…..

मनाचेTalks च्या वाचकांचे अभिप्राय:

या आणि अशा वैविध्यपूर्ण लेखांचे अपडेट्स मिळविण्यासाठी आमचे फेसबुक पेज मनाचेTalks ला नक्की लाईक करा. आणि लेखांचे अपडेट्स व्हाट्स ऍप वर मिळवण्यासाठी किंवा तुमचे स्वतःचे लेखन मनाचेTalks वर प्रकाशित करण्याची इच्छा असल्यास येथे क्लिक करा.

LEAVE A REPLY

Please enter your comment!
Please enter your name here

This site uses Akismet to reduce spam. Learn how your comment data is processed.