आपल्या शरीरात असंख्य पेशी, कॅलरीज, रक्तघटक, रसायने, संप्रेरके, ग्रंथी असतात. आपण जर योग्य पद्धतीने आहार घेतला, सगळी पोषकतत्वे योग्य प्रमाणात मिळाली तरच हे शरीर नीट चालते / काम करते. पण यात जर काही घटक कमी जास्त झाले तर आपल्या शरीराचे संतुलन बिघडते.
सुदृढ शरीर एक देणगी आहे. जोपर्यंत सुदृढता, आरोग्य आपल्याजवळ असतं, तोपर्यंत आपल्याला त्याची किंमत नसते. जसे पैसे खर्च झाले, आपली आर्थिक बचत शून्यावर आली की पैसे सांभाळून ठेवावेत, जपून वापरावेत, हे लक्षात येतं, तसंच आरोग्याच्या बाबतीत होतं.
आपले संपूर्ण शरीर आपल्या श्वासोछ्वासावर चालते. जितकी श्वास घेण्याची प्रक्रिया चांगली तितके शरीराला मिळणाऱ्या ऑक्सिजनचे प्रमाण चांगले. आपली श्वसनक्रिया सुधारणारे, भरपूर प्रमाणात अँटिऑक्सिडण्ट्स असणारे पदार्थ कोणते ते आपण आज पाहूया.
