तु नेहमीच म्हणायचा,
आपल्या प्रेमाचा गूलकंद
कसा गं चाखायचा…….
तुझं सारखं वार्‍याशी भांडणं!
माझ्या केसांच्या बटा,
तुझ्या हातांनी सावरतांना माझं आपलं
गाली गूपीत लाजणं….
अन् आपल्या प्रेमाचा गूलकंद
कसा गं चाखायचा?
तुझा सारा आटापिटा
मला एक नजर बघण्यासाठी
तासन् तास गच्चीवर घुटमळणं…
अन् आपल्या प्रेमाचा गूलकंद
कसा गं चाखायचा?
माझं आपलं तुला चिडवायचं,
म्हणून खिडकीतुन चोरून बघणं,
अन् दिसणार म्हणून पडद्याआड दडणं…
अन् आपल्या प्रेमाचा गूलकंद
कसा गं चाखायचा?
तु समोर असतांना,
लटकेच भांडून अबोला धरणं,
अन् दुर जाताच इवल्याशा डोळ्यांत
तुला दिसेनासा होईपर्यंत न्यहाळणं…
अन् आपल्या प्रेमाचा……..
माहिती उपयुक्त वाटल्यास वरती उजव्या कोपऱ्यात दिलेले बटन दाबून हा लेख व्हॉट्सऍप वर आपल्या मित्र मैत्रीणींना पाठवा.
Nice one