व्यवसाय मार्गदर्शन -१ (आकर्षक कापडी पिशव्या बनविणे)

तुम्ही जर शिवणकाम करू शकत असल्यास आणि शिवणाची मशीन अव्हेलेबल असेल तर प्लास्टिक लायनिंग च्या कापडी पिशव्या हा एक चांगला उद्योग करू शकाल, घरी राहून…

• चांगले न फाटणारे आणि नवीन कापड कट पीस मध्ये स्वस्त मिळतात ते आणा ,जाडच असायला पाहिजे असे नाही.
• प्लास्टिक च्या गोणी मिळतात २५ किलो धान्याच्या रु. ५ प्रमाणे तुमच्या वाण्या कडे बुक करा.
• असे जाड प्लास्टिक असल्या मुळेच मी कापड जाड नको म्हणत आहे.
• नवीन डार्क पण पक्क्या रंगाची, डिझाइन ची असेल तर छानच, असलेले नवीन कापड, जर चुरगळले असेल तर इस्त्री करून घ्या आणि त्या वर वरील पोत्याचे कापड (अखंड हवे) पसरून थोडे टाके घालून/स्टेपल करून मशीन वर शिवायला घ्या. सगळ्या बाजूने शिवून झाले की मधून उभे आडवे शिवून घ्या (दोन लाईन मध्ये जास्तीत जास्त अंतर ५,६ इंच ठेवा पण २,३ इंच ची चौकडी योग्य) म्हणजे कापड प्लास्टिक ला धरून राहते आणि पोत्याचे कापड असल्या मुळे अश्या या शिवणी मुळे ते फाटणार नाही.
• मग तुम्हाला पाहिजे तशी – बॉक्स डिझाइन किंवा गोल पिशवी शिवा आणि वर हातात धरायला आणि खांद्याला (२ इन १) अडकवण्या योग्य लांबीचे बंद / पट्टे त्याच कापडाचे शिवून,१०,१२ किलो वजन घेण्या योग्य शिवून घ्या.
• साध्या गोल पिशव्या, बॉक्स टाईप पिशव्या, चेन वाल्या बॉक्स / गोल पिशव्या असे अनेक प्रकार आणि साईझ मध्ये तुम्ही शिवून विकू शकाल.

मार्केट तयार आहे तुमच्या साठी फक्त तुम्ही त्या शिवून घेऊन विकत आहात हे सगळ्यांना कळू दे.

टीप – जर तुम्ही कापड एखादया पारदर्शक ग्लु ने (फेविकोल सारख्या) प्लास्टिक च्या कागदाला कायम चिकटवलेत तर फारच छान – कार्पेट जमिनीला चिकटवायला एक ग्लु मिळतो तो पण चालेल फक्त जास्त पसरला गेला पाहिजे

• कापड कॉटन चे च हवे असे नाही, पोलिस्टर, नायलॉन चे पण चालेल – जे स्वस्त पडेल ते वापरा
• पोत्याचे कापड खूप मजबूत असते, त्याचीच पट्टी वरून कापड लावून बनविली तर १५ किलो वजन सामान घेईल ही पिशवी आणि तिचे बंद.
• मी प्लास्टिक चे पोते रिसायकल केले आहे येथे म्हणून पर्यावरणवाद्यांचे समाधान व्हावे !☺
• अश्या बॅग तयार करण्यासाठी आपण घरातील जुन्या पण चांगल्या साड्या देखील वापरू शकतो. तसेच बेडशीट्स, चादरी सुद्धा वापरता येतील शिवाय साड्या वर वजनाचे लोड येणार नाही ते पोत्याची पिशवी घेते आहे -साडीचा फक्त शो छान असेल.
• साडी, बेडशीट्स, चादरी वापरून कॉस्ट कमी करता येईल.

या पिशव्या गद्रेकाका ब्रँड म्हणून विका, बघा किती ऑर्डर्स येतील त्या !☺☺
आणि हो गृहीनांना टीव्ही समोर मशीन ठेऊन काम करता करता टीव्ही पण बघता येईल या पिशवीत फार स्किल नाही त्या मुळे टिव्हीतील लक्ष गेल्या मुळे चुकणार पण नाहीत !☺☺☺
हा तर झाला गमतीचा भाग पण गृहउद्योगाचा हा पर्याय नक्की विचारात घेऊन बघा.

वाचण्यासारखे आणखी काही…

मुद्रा कर्ज योजना- १ (Mudra Loan-How it Works?- Part 1)
मुद्रा कर्ज योजना- २ (Mudra Loan-How it Works?- Part 2)

या आणि अशा वैविध्यपूर्ण लेखांचे अपडेट्स मिळविण्यासाठी आमचे फेसबुक पेजमनाचेTalksला नक्की लाईक करा. आणि लेखांचे अपडेट्स व्हाट्स ऍप वर मिळवण्यासाठी ८३०८२४७४८० या नम्बरवर ‘अपडेट्स’ असा व्हाट्स ऍप मेसेज करा.